10/1/08

2008-10-28

Usapang Halalan 2010

Lathala ni gomezlaw | Tuesday, October 28, 2008 | Halalan, Pulitika | 7 comments »

Dalawang (2) araw na nang huli akong nagsulat ng isang akda. Medyo naging abala ako sa pag-aayos ng panlabas na anyo ng aking blog. Nakalimutan ko na mas mahalaga ang nilalaman kaysa sa pabalat nito. Kaya eto na ulit ako at nagpipilit na naman na makabuo ng isang artikulo. Sana maging kaayaya ito para mga mga mababasa.

Napakaraming paksa sa utak ko na nais ko sanang talakayin. Kaya lang dahil na rin kasalatan ko ng kasanayan sa pagsusulat, mas mabilis ko itong nalilimutan kaysa masimulan man lamang na isulat ito. Pero habang ako’y abala nga sa pag-aayos ng anyo ng blog, mayroon akong nabasang mga tala(post) na nagpukaw ng aking interes sa naturang paksa – ang darating na halalang pambansa sa taong 2010. Ang tagal pa no? Pero pinag-uusapan na. Ibig sabihin mahalaga o maraming interesado dito.

Bakit nga ba maraming nahahaling sa usaping ito? Alam kasi natin na ang halalan sa ating bayan ay ang “pinakamahalaga”, pinakamahaba, pinakamagarbo, “pinakamasaya”, pinakamaruming, pinakamagulo at pinakamadugong piesta na nagaganap lamang tuwing tatlong taon. At ito’y nakataon parate sa buwan ng mga piesta-Mayo.

Pero, bakit sa ganitong kaaga ay pinag-uusapan na ito? Bakit nga ba? Kung kayo ay nakatutok parati sa radio at telebisyon, mapapansin nyo at tiyak napansin nyo ang mga iba’t info-ads ng mga pulitiko ng magsimula ang taong (2008) ito. Sa totoo lang, may mga pulitiko nga na nagsimula na mangampanya noong halalan 2007 para sa 2010. Kilala nyo ba kung sinu-sino sila?

Ang totoo mga kaibigan, ang mga pulitiko ay di tumitigil ng pangangampanya. Mula sa unang araw matapos ang huling halalan, lahat ng pulitiko(nanalo man o natalo) o nag-aasam maging pulitiko ay nagsisimula na magplano at/o magsagawa ng kanilang kampanya. Siguro sasabihin ng iba ay hindi ito pupwede dahil bawal ito sa batas. Hehehe! Pero alam din naman natin na madali para sa mga taong ito na ikutan ang batas.

Pano nga ba nila ito nagagawa? Lahat ng ito’y nailulunsad nila sa likod ng tinatawag na “serbisyo publiko”, “kawang gawa” o “tulong sa nangangailangan.” Marami pang palusot na ginagamit ang mga pulitiko para maikutan ang batas sa pangangampanya. At isa pa, marami rin talagang butas ang batas na ito kaya napakadaling gawan ng paraan para maiwasan.

Ang mga sumusunod ay ang ilang mga gimik na pulitiko sa pangangampanya malayo pa o bago pa ang opisyal na simula ng kampanya:
1. Ang pakikibahagi, pag-aakisakaso o pag-aambag sa KBL (Kasal-Binyag-Libing)
2. Mga pagbati o pakikibahagi sa mga taunang okasyon katulad ng Piesta, Valentine, Graduation, Summer Vacation, All Saints Day, Christmas, New Year at iba pa.
3. Mga pagbati o pakikibahagi sa mga palaro, timpalak o paligsahan katulad ng Beauty Contest, Basketball Tournament, Clean & Green Contest at iba pa.
4. Pagtataguyod ng mga Scholarship Program, Training Program, Job Fair, Medical Mission at iba pa.
5. Pagtugon sa mga biktima ng kalamidad na gawa ng kalikasan o tao katulad ng kidnapping, bagyo, landslide, pagsabog ng bulkan, baha, problemang ofw, heinous crime at iba pa.
6. Pagtatayo o pagsasaayos ng mga basketball court, waiting shed, kalye at iba pa imprastraktura na kailangan o di kailangan ng bayan.
7. Pagdalo sa mga malakihang pagtitipon ng iba’t ibang sector ng lipunan katulad ng mga El Shaddai rally, protest rally, trade union convention, awards night at iba pa.
8. Padalo sa mga kasayahan ng mga kilalang tao sa lipunan katulad ng birthday party, graduation party, anniversary party at iba pa.
9. Ang walang humpay na pakikipagtunggali sa kapwa pulitiko o kilalang tao sa lipunan.

Ilang lang ito na ginagawa ng ating pulitiko. Sasabihin ng iba ay yan naman ang katungkulan nila at nakikinabang naman ang bayan. Tama pero bakit sa tuwing gagawin nila ito ay todo ang anunsyo sa pamamagitan ng media coverage, malalaking karatula o streamer-banner-poster. Kung talagang tinutupad lang nila ang tungkulin nila, pwede namang wala ang mga ito. Isa pa, dagdag din ito sa gastusin na galing sa mga buwis na binayaran natin. Bakit nila ginagawa ito? Para makintal o di mawala sa isipan ng mga botante ang kanilang pangalan. NAME RECALL ba tawag doon. Di na pamumulitka o pangangampanya na ito.
O sige mga kaibigan hanggang dito na muna. Siguro sa susunod mas maganda pag-usapan kung ano ba ang saysay ng halalan para bayan.

Share and Enjoy!

2008-10-26

Pilipino Bilang Isang Wika sa Internet

Lathala ni gomezlaw | Sunday, October 26, 2008 | Kultura | 0 comments »

Nasubukan mo na bang sumulat ng isang akda rito sa internet sa wikang Pilipino? Diretsong Pilipino, yon bang wala kang gagamiting salitang banyaga. Mahirap di ba?

Sa panahon ng makabagong teknolohiya, marahil talagang napakahirap gawin ito. Eto nga lang ng sinusulat ko gamit ang Microsoft Word, halos lahat ng salita ay may salungguhit(underline). Ibig sabihin, wala sa diksyunaryo ng Word ang mga salitang ito. Yong iba, walang salungguhit dahil kundi talagang nasa diksyunaryo nya ay may kahalintulad na salitang English ngunit iba ang pakahulugan(meaning) nito.

Marami talagang salitang banyaga o di Pilipino sa ngayon ay walang direktang salin(translation) sa wika natin at kung mayroon man, ito pinagdugtung-dugtong na salita at lumalabas na napakahaba’t napakahirap lalong gamitin.

Isa pa, lahat ng software o program na ginagamit dito sa internet ay walang salin sa wika natin o di siya nai-angkop sa pangangailangan para gumawa ng isang bagay na gamit ang wika natin.
Sa totoo lang, di naman ito ang suliranin. Kung titignan natin sa ating saligang batas, Pilipino ang nakasaad ng pangunahing wikang paggamit natin na pangunahing nakabase sa lingua franca na ginagamit sa Metro Manila at may karagdagang mga salita mula iba’t ibang wika sa buong Pilipinas. Kung tutuusin, napakarami nating wikang taal dito sa Pilipinas na pwedeng paghanguan ng ating pangunahing sariling wika. Mayroon din tayong sangay ng pamahalaan na siyang nangangasiwa sa pagpapaunlad ng wikang Pilipino.

Ang tunay na problema ay ang sistema ng Pilipinas sa paggamit at pagtangkilik sa sariling wika. Kahit na kompleto tayo mga rekisito para gamitin ang wikang Pilipino, halos sa lahat ng larangan ng buhay Pilipino ay English ang pangunahing ginagamit o kundi man, ito ang tinatanging(preferred) wika.

Mula sa daigdig ng negosyo, telebisyon, pahayagan at iba pa, English ang kadalasang gamit. Ang mabigat pa dito ay pati ang paaralan at pamahalaan, ito rin ang pangunahing tinatangkilik at itinutulak gamitin. Ang dahilan nila English daw ay universal language. Ito raw ay wika ng pag-unlad. Marahil alam naman natin na di ito totoo. Kailangan lang natin tignan ang katabing bayan natin na maunlad at umuunlad ngunit sariling wika nila ang gamit.

Ang suliraning ito ay natatangi sa ating bayan. Habang ang iba’t ibang bansa ay puspusang pinauunlad ang kanilang sariling wika, pinipilit naman nating patayin ang sariling wikan natin. Hindi naman ang ibig sabihin ng paggamit ng Pilipino bilang pangunahing wika ng bayan ay di na pwedeo kakalimutan na natin ang English at iba pang dayuhang wika. Maaari naman itong aralin at gamitin batay sa pangangailangan. Dapat malinaw lang na Pilipino ang opisyal na wika ng Pilipinas at dapat gamitin sa lahat ng larangan ng buhay Pilipino.

Ito ang suliranin ng Pilipino bilang wika. Ngayon balik tayo sa internet at wikang Pilipino. Dito sa internet, kung mapapansin natin kapag usaping laguange translation, wala ang Pilipino at mayroon lang ay English(Philippines). Di ba?

Bakit ganito? Tignan natin ang mga website o blog na pag-aari ng Pilipino. Di ba English din ang gamit. English na rin ang tinatanging wikang nais gamitin sa komunikasyon kahit pa di ito diretsong English o tagalish. Ang dahilan? Ang internet daw ay world wide web o internasyunal kay mas madali itong maiintidihan at mahahanap ng mambabasa kapag englisg ang gamit. Kaya lang, kung gagala(surf) sa loob ng internet, marami kang mabubuksan na site na wika nila ang gamit-Korean, German, Español at iba pa. Kaya nga dumadami ang language translation widget.

Ano ang kailangan? Kailangan maraming gumamit ng wikang Pilipino sa mga blog, website at akda nila. Kapag dumami ito sa isang kritikal na bilang, mapipilitang may gumawa ng paraan na mapasok ang Pilipino sa mga language translation gadget. Parang usapin lang yan ng Law of Supply and Demand. Pag may demand, sumusulpot ang supply. Sapat ang bilang ng mga Pilipinong gumagamit ng internet para magkaroon ng demand. Kung kaya mga nating ilagay ang Puerto Prinsesa Underground River, Chocolate Hills, Tubbataha Reef at Mayon volcano sa Top 10 ng New 7 Wonder of Nature, KAYA DIN NATIN GAWIN ITO SA WIKANG PILIPINO.

Share and Enjoy!

2008-10-25

"Euro Generals"

Lathala ni gomezlaw | Saturday, October 25, 2008 | Kultura, Pulitika | 0 comments »

Nakikinig ka pa ba ng radyo? Ako kasi tuwing umaga halos routine ko na makinig ng tambalang F&S. Nakakatuwa! Nakakaaliw! Marami ka ring mapupulot na bagong balita o usapin. Ang pinakahuli ay itong tungkol sa mga "euro generals". Ayos ano? Pwedeng titulo sa isang pelikula.

Pero, ano nga ba ang totoo hinggil dito? Kung babalikan natin, ito ang mga pagkakasunod-sunod ng mga pangyayari. Walong pinakamatataas na opisyal ng PNP ang dumalo sa 77th Interpol General Assembly sa Moscow. Pauwi na sila nang masabat sa airport ng Russia kay retired General dela Paz (dating comptroller ng PNP) ang P6.9 million (105 thousand euros). Pinigil sila at pansamantalang dinetine dahil lagpas ito sa $3000 na limitasyon sa bawat lalabas na pasahero. Ang mga sumunod na pangyayari ay parang bomba na sumabog sa mukha ng Pilipinas.

Ang sumusunod na datos mula bruhaha na ito:
> P2.3 million - nilabas na budget para sa gastusin ng buong delegasyon. Aprubado ng PNP at DILG Chief Puno.
> P6.9 million - "contingengy fund". Walang budget item para sa contingency fund sa budget ng PNP. Di aprubado ng PNP at DILG, wala ring patunay na lumabas ito sa bangko. Cold cash at walang paper trail ang pera.
> Ang P6.9 million ay di rin ideneklara sa paglabas ng airport dito sa Pilipinas. Walang katunayan na lumabas ito sa Pilipinas.
> Pinapalitan ang P6.9 million sa isang maliit na money changer sa Maynila nang utay-utay. Hindi alam kung sino ang nakipagtransaksyon sa bahagi ng PNP.
> 8 ang delegado ng PNP. "One country one vote" ang pinapatupad ng Interpol kung may kailangan desisyunan. Walang kinalaman ito sa dami ng delegasyon.
> 4 general's wives accompanied the delegation (including Mrs. Versoza who's husband is not part of the dellegation) . Personal na gatusin daw ito ng mga heneral.
> Karamihan sa mga delegasyon, kundi man lahat ay lagpas na gulang na 45. May patakaran ang PNP na dapat di tataas sa gulang na 45 ang lahat na dadalo sa mga pagsasanay o komperensya sa ibang bansa para mapakinabangan pa ito ng mas mahabang panahon ng kapulisan.
> Hanggang sa kasalukuyan, di masabi ng chief PNP at DILG kung san galing ang P6.9 million? Walang maipresentang katunayan na ito ay galing sa pundo ng PNP.

Marami akong katanungan sa mga datos. Una, sa harap ng lumalalang krisis pinasyal ng mundo, tumitinding kahirapan at tag-gutom dito sa Pilipinas at kakulangan sa mga gamit at sweldo ng ating kapulisan, kailangan bang gumastos ng P2.3 million para sa isang komperensya?

Ikalawa, triple ang laki ng sinasabing contingency fund kung pagbabatayan ang aprubadong budget. Di ba normally 10-15% lang ang contingency fund?

Pangatlo, bakit cash ang dala samantalng pwede naman ang bank-to-bank money transfer kung aprubado naman ang paggagamitan. Modern technology na tayo ngayon di ba? Katakot naman na may bitbit kang ganyang kalaking pera. Buti di naisnatch. Hehehe

Ikaapat, paano nakalabas ng airport ng Pilipinas ang P6.9 million ng hindi idenedeklara. Pwede pala ito. Ano ito palakasan? O baka naman sadyang di niya dala ang pera ng lumabas sya sa airport dito?

Ikalima, bakit sa isang maliit na money changer pinalitan ang pera? Di ba dapat pag opisyal na transakyon sa bangko mas maayos? Naliliitan ba kayo sa palitan sa bangko o masyadong marami pang rekititos sa bangko? Baka naman konektado ang money changer sa isa kanila? Sino ba ang nagpapalit ng pera? O baka naman, palabas lang talaga ang paglutang ng money changer?

Ikaanim, bakit naman kailangan walo pa ang dumalo? pwede namang isa lang o dalawa para may alternate siguro. Rekisito ba sa komperensya ang walong delegado? Pwede naman siguro gamitin ang mga modernong teknolohiya katulad ng teleconferencing kung kailangan para makatipid.

Ikapito, kailangan ba talagang sumama ba ang kanilang mga asawa? Sabi sa sosyal daw, pero uunahin pa ba natin ang sosyalan sa harap ng tumitinding krisis sa ating bayan. Baka mas maayos kung binigay na lang ang mga asawa ung ganilang ginastos sa mga proyekto sa kawang gawa. Natulungan pa sana ang image ng kapulisan. Bakit naman pati si Mrs. Versoza ay kasama, ganung si chief PNP ay di kasapi. Sya ba ang substitute?

Ikawalo, bakit puro halos pa-retire na ang pinapunta? Wala bang karapat dapat sa hanay ng pulisya na mas bata na may kakayanan para irepresenta ang PNP? Baka naman wala kayong tiwala sa mga nakababatang opisyal? O baka naman di talaga ang komperensya ang habol kundi bakasyon grande? hehehe.

Ikasiyam at panghuling mga katanungan para sa mga bosing ng PNP at DILG, bakit hindi nyo alam ang nangyayari sa inyong departamento? Sumasabog na ang isyu, di pa rin kayo kulmikilos.
Bakit mukhang binibigyan nyo yata ng proteksyon ang inyong kabaro kahit na sa harap ng kitang kita na maling ginawa niya? Ganyan ba talaga ang kalakaran dito sa atin? May maaasahan pa ba ang sambayanan sa inyo?

Aba, kung di nyo kayang patakbuhin ang mga departamento nyo, baka mas maganda para sa bayan na magsipagresayn na kayo!

Huli na lang, Gng. Pangulo, ano po ang inyong ginagawa at mukhang natutulog kayo sa pansitan.

Share and Enjoy!

2008-10-23

Kampanyang 50-50

Lathala ni gomezlaw | Thursday, October 23, 2008 | NGO, Panlipunan | 0 comments »

Pano ka ba makatutulong bilang isang ordinaryong mamamayan sa pagbabago ng ating bayan?

Nitong mga huling araw, mayroon akong natanggap na artikulo mula sa isang NGO na nangangampanya upang wakasan ang kahirapan sa buong mundo- ang Global Call to Action Against Poverty-Philippines. Naglalaman ito ng limampong maliliit na hakbang kung papaano makakabawas sa kahirapan sa Pilipinas.

Maganda ang mga hakbanging sinasaad ng artikulo. Humihikayat sa bawat nakatanggap ng artikulo na mangako na tutupad sa kahit isa sa limampong punto. Siguro mas maganda kung ilakip ko na lang dito ang artikulo.

Check the menu below. Tick things you can commit to for at least 50 days.

Environment (Kapaligiran)
1. I will recycle my waste. (Magre-recycle ako ng aking basura)
2. I will practice waste segregation (Paghihiwa-hiwalayin ko ang aking basura).
3. I will bring my own bag to the market or the grocery. (Magdadala ako ng sariling bag o
bayong sa pamamalengke o sa grocery).
4. I will use the backside of used papers as scratch pad for notes. (Gagamitin ko ang likod ng mga nagamit ng papel bilang scratch pad).
5. I will place my litter in the garbage bin. (Ilalagay ko ang aking kalat sa basurahan).
6. I will join tree planting activities. (Sasali ako sa pagtatanim ng mga puno).
7. I will stop smoking. (Titigilan ko na ang paninigarilyo).
8. I will unplug appliances not in use. (Bubunutin ko sa saksakan ang mga kasangkapang hindi ginagamit).
9. I will turn off the lights when not needed. (Papatayin ko ang ilaw kapag hindi kailangang gamitin).
10. I will use a drinking glass when brushing my teeth. (Gagamit ako ng baso sa pagsisipilyo).
11. I will use pail in watering my plants. (Gagamit ako ng timba sa pagdidilig ng halaman).
12. I will use rag in cleaning the car and not allow the water running. (Gagamit ako ng basahan sa paglilinis ng sasakyan at hindi hahayaan na tumutulo ang tubig).
13. I will make sure my pets are clean and safe. (Titiyakin ko ang kalinisan at kaligtasan ng aking mga alagang hayop).
14. I will make sure the car is in good running condition so as not to emit fumes. (Titiyakin ko na hindi mausok ang aking sasakyan).
15. I will plan my itinerary everyday to save on gas. (Paplanuhin ko ang aking mga pupuntahan araw-araw para makatipid sa gas).
16. I will turn-off my computer monitor every time I need to leave my work station for a short time. (Isasara ko ang computer monitor tuwing iiwan ko ang aking kompyuter).
17. I will use refillable drinking bottle instead of buying a new one everytime. (Gagamit ako ng
ng refillable drinking bottle sa halip na bumili palagi).
18. I will write to my local government officials to affect practices that will help protect the
environment (Susulat ako sa mga opisyal ng pamahalaang lokal para magpatupad ng mga proyekto na makakatulong sa pangangalaga ng kalikasan).
19. I will support activities and initiatives that will help protect the environment. (Lalahok ako sa mga pagkilos na tutulong sa pangangalaga ng kapaligiran).
20. I will not use non-biodegradable materials like “styro” and plastic food packaging. (Hindi ako gagamit ng non-biodegradable materials katulad styro at plastic).
21. I will leave home early and walk short distances instead of using the car. (Aalis ako ng maaga at maglalakad kung malapit lang ang pupuntahan sa halip na magkotse).
22. I will cook just enough food for the family and avoid wastage. (Magluluto ako ng sapat sa pangangailangan ng pamilya at iiwasan ko ang pag aaksaya).
Hunger (Gutom)
23. I will feed a hungry child for at least one meal everyday for 50 days. (Pakakainin ko kahit minsan isang araw ang isang nagugutom na bata sa loob ng 50 araw).
24. I will buy more organic food products. (Mas tatangkilikin ko ang mga pagkaing organic).
25. I will buy healthier food items like vegetables and fruits. (Mas bibili ako ng gulay at prutas).
26. I will write to Congress for urgent measures to alleviate the plight of the poor and the hungry. (Susulat ako sa Kongreso para sa mga batas na makakatulong sa mahihirap at mga nagugutom).
27. I will write to my local officials to implement projects to fight poverty and hunger.(Susulatan ko ang mga local na opisyal sa amin para magpatupad ng mga proyekto laban sa kahirapan at gutom).
28. I will organize feeding programs and soup kitchen in our locality. (Magpapasimula ako ng programa sa pagpapakain sa aming lugar).
29. I will donate my loose change from the grocery to the fund-raising campaign alkansyas. (Ibibigay ko ang sa fund-raising alkansyas ang mga baryang sukli ko sa grocery).
30. I will grow herbs and green vegetables even in used cans and pots. (Magtatanim ako ng mga halamang gulay kahit sa mga gamit ng lata at
paso).
31. I will buy Fair Trade Goods because the proceeds go to poor farmers. (Bibili ako ng mga fair trade goods dahil ang kinikita nito ay babalik sa mga magsasaka).
Maternal Health
32. I will help promote breastfeeding. (Tutulong ako sa pangangampanya para sa pagpapasususo).
33. I will do volunteer work in barangay health centers to help mothers and their babies. (Tutulong ako sa mga barangay health centers sa pangangalaga ng mga nanay sa kanilang mga anak).
34. I will write my local government officials to improve maternal health services in our area. (Susulat ako sa aming lokal na pamahalaan upang mapabuti ang serbisyong pangkalusugan sa aming lugar).
Education
35. I will teach poor children in the neighborhood with basic literacy skills for a month. (Magtuturo ako sa mga bata sa aming lugar ng pagbabasa at pagsusulat sa loob ng isang buwan).
36. I will donate old/used books to public schools. (Magbibigay ako ng lumang libro sa pampublikong paaralan).
37. I will coordinate with concerned NGOs and government institutions for volunteer work concerning education. (Makikipagugnayan ako sa mga NGO at institusyon ng gobyerno para sa volunteer work na may kinalaman sa edukasyon).
Children
38. I will participate in the activities celebrating Children’s Month in October. (Lalahok ako sa mga gawain sa pagdiriwang ng Buwan ng mga Bata sa Oktubre).
39. I will sponsor a child through World Vision. (Mag-iisponsor ako sa isang bata sa pamamagitan ng World Vision).
40. I will report to the police and to our local government officials issues of violence against children in our community. (Ipagbibigay alam ko sa pulis at sa aming lokal na pamahalaan ang mga karahasan laban sa mga bata).
41. I will support the Anti-Child Sex Tourism Campaign. (Susuporta ako sa Anti-child Sex Tourism campaign).
42. I will support programs to bring child laborers back to school. (Susuporta ako sa mga programang magbabalik ng mga manggagawang mga bata sa paaralan).
Others
43. I will invite more people to participate in 50-50 campaign. (Mag- iimbita ako ng ibang tao na makikilahok sa Kampanyang 50-50).
44. I will volunteer to distribute brochure and other materials for the 50-50 campaign. (Tutul;ong ako sa pamamahagi ng brochure at iba pang materyales para sa 50-50 campaign).
45. I will participate in Stand Up Take Action against Poverty and Inequality on October 17 and Stand Up and recite the Pledge at 3:00 PM. (Sasali ako sa sa Stand Up Take Action against Poverty and Inequality sa Oktubre 17 at ipapahayag ko ang Pangako ng nakatayo sa ganap na 3:00 ng hapon).
46. I will mobilize more people to stand up on October 17. (Mangangalap pa ako ng iba pang taong sasali sa Stand Up sa Oktubre 17).
47. I will organize my own Stand Up event and register this with World Vision/GCAP so that we will be counted as among those who participated in Stand Up. (Mag-oorganisa ako ng sarili kong Stand Up event at irerehistro ko ito sa World Vision/GCAP para mapabilang).
48. I will join in all activities from October 17 to 19
during the International Day of Action Against Poverty. (Sasali ako sa lahat ng pagkilos mula Oktubre 17-19 sa Pandaigdigang Araw ng Pagkilos laban sa kahirapan).
49. I will join GCAP-Philippines or other organizations that work for the eradication of Poverty. (Lalahok ako sa GCAP-Philippines o iba pang organisasyon na kumikilos para wakasan ang kahirapan).
50. I will sign online petitions to end poverty and inequality. (Pipirma ako sa mga petisyon na humihinging wakasan ang kahirapan).

Ito na lahat yon. Ano tingin nyo? Kaya nyo ba kahit isa dito?

Share and Enjoy!

Tapat na Tao, Huwarang Pilipino

Lathala ni gomezlaw | Thursday, October 23, 2008 | Bayani, Kultura | 0 comments »

Matapos kong mai-post ang una kong akda, akala medyo matatagalan pa itong masusundan ng isa pang sulatin. Ngunit isang pangyayari ang naganap mismo sa akin para itulak ako bumuo uli ng isang artikulo. Ganapan na maliit lamang para iba pero karadapat na upang humango ng ilang halimbawa at aral sa buhay ng isang Pilipino.

Ako ay naimbitahan ng isang dating kasama sa isang kwentuhan-inuman hinggil sa mga bagay-bagay at usaping aming matagal nang pinaplano. Medyo nga ako'y naaliw sa pakikipaghuntahan sa aking kasambahay at nalimutan ang usapan kaya na-late na rin akong dumating sa takdang oras. Ngunit siempre inuman kaya't nagkaantayan at nagkaabutan din naman.

Masaya at malaman ang aming naging usapan. May binalikan kami sa aming mga dating plano, nasuri namin ang mga naging kakulangan at nagkaroon ng mga resolusyon upang mahabol at matuloy pa ang mga balakin. Naganap ang mga usapan sa harap ng ilang boteng San Miguel Lights habang may mga background music.

Habang gumaganda ang usapan at lumalalim ang gabi, tumatama na rin ang inumin. Konti lang naman ang aming nainum pero medyo lipas na rin ang kabataan kaya't madali na tamaan. Isa-isang nagpaalam ang mga kabarkada hanggat sa dalawa na lang kaming natira. As always, nag-last for the road and the canal na rin kami. Binayaran na ang bill at tumungo na sa labas ng inuman.

Uwian na sana, kaso nagyaya pa aking kasama na magpababa muina daw kami ng tama kaya't dumaan muna kami sa isang kainan na nagseserve ng mainit na sabaw ng baka. Ang sarap ng sabaw! Ang sarap din ng pagkain! Talagang nakababawas ng tama. Tapos kumain, finally naghiway na rin kami.

Sumakay na ko ng taxi. Pagdating sa tapat ng bahay, pinahinto ko na ang taxi at dinukot ang aking pitaka upang magbayad. Presto! Wala ang aking wallet. Wala akong pambayad ng taxi. Hinanap ko sa loob ng taxi, baka kasi nahulog lang pero wala talaga. Ano pa gagawin ko? E de komatok na lang at nangising ng mga kasambahay. Mabuti may naligaw na angel sa bahay at pinahiram ako ng pambayad sa taxi.

Grabe! Buong gabi akong nagmamaktol. Cursing and fault finding except me of course! Anyway, nadoon ang anghel at saviour ko para ako i-pacify at paalalahanan na may kapalit daw ang lahat ng nawawala, doble pa. Kaso mainit ang ulo kaya walang pumasok sa kokote ko sa kanyang mga salita.

Kinabukasan, nagkaroon na ko ng acceptance na nawala na talaga ang perang pinaghirapan ko't nilaan na pambayad sa mga utang ko. So, hahahanap na lang uli. Tuloy na uli ang buhay. Noong medyo humahapon na, naisip ko puntahan ang bar na pinanggaligan namin at mula roon ay baybayin ang mga sumunod na pinuntahan namin. Kaya lang nanigurado ako kaya hinanap ko muna sa internet ang telephone number ng bar. Buti na lang at meron. Sa isip ko di ko na ito makikita pero sa isang bahagi nito nagbabakasakali lang at wala namang mawawala kung subukan.

Tinawagan ko ang bar. May sumagot, nagpakilala ako at sinabi ko ang aking pakay. Nagtanong ang aking kausap sa mga kasama niya (opening shift kasi sya at closing naman ung nagserve sa amin kaya di nya tiyak ang mga pangyayari). Pinasa ang telepono sa kasama, tinanong ang pangalan ko sabay bigkas ang magic word na "nandito nga sir!" Yon lang at sinabi ko na pupunta ako upang kunin ito. Binababa ko na agad ang telepono. Di ko nakuha na magtanong pa ng iba.

Gumayak na agad ako at tinungo ang bar. Pagdating ko sa bar. Nagpakilala ako at tinawag ang nakadampot na emplayado. Kinuha nya ang wallet at binalik sa akin sabay sabi na paki-check sir kung kompleto. Kompleto naman! Sinabi ko sa nakakuha na pasensya na at wala akong pwede ibigay na kahit ano dahi nga pambayad lang yon ng utang. Sumagot sya na di naman kailangan dahil kasama sa trabaho nya yon. Nagpasalamat na ako at nagpaalam na. Nagbahabol sya ng salita"basta sir balik lang kayo dito palagi".

O di ba kakataba ng puso? May mga Pilipino pa na honest sa kapwa at tapat sa trabaho! Ang bar----KYUSINERO. Matatagpuan ito sa kahabaan ng Matalino street sa likod ng QC City Hall.
Tangkilikin natin ang KYUSINERO! Tangkilin natin ang sariling atin!

Share and Enjoy!

2008-10-21

Unang Pagtatangka

Lathala ni gomezlaw | Tuesday, October 21, 2008 | Kultura, Pagsusulat | 0 comments »

Ito ang una kong pagtatatangka na sumulat ng isang akda na walang pagsasaalang-alang sa gabay ng pagsusulat o kung ano man ang sasabihin ng makababasa nito.

Hindi ako isang manunulat. Wala akong kasanayan sa larangang ito. Sa aking pagkaalala, ang huli kong pagsusulat ay nang ako ay nasa kolehiyo pa- isang term paper na rekisito para pumasa sa english 3. Nakatutuwa nga kapag aking binabalikan ang mga panahong yon. May mga bahagi ako ng aking term paper ay direktang hango sa mga references na ginamit ko-plagiarism baga (hahaha!).

Mahina talaga ako sa mga ganitong gawain. Kahit sa aking mga naging trabaho o tungkulin, isa ito sa pilit kong iniiwasan. Kaya kung talagang kailangan, sobrang structured ang aking nagiging estilo sa pagsusulat. Yon bang gumagawa muna ako ng napaka detalyadong outline at pagkatapos ay unti-unti ko itong bubuuin sa mga sentences at paragraph para maging isang akda. Sa totoo lang, napakahirap at napakabagal ng ganitong estilo. Nakakadagdag din ito sa allergy ko sa ganitong gawain.

Ngayon, bakit ko tinatangkang magsulat? Bakit nga ba? Wala naman akong maisip na paksa? Pano ako gagawa ng outline kung walang paksa? Mantakin ko mang isipin para akong nagsasayang ng panahon sa ginagawa ko.

Pero seryoso, siguro kaya ko naisip magsulat ay dahil ito sa aking miniminting website na kung saan wala masyadong orihinal na artikulong sinusumite para ilimbang sa website. In short, wala masyadong contributing writer. Siempre, alam naman natin na para dumami ang mga mambabasa ng isang website, kailangan parating may mga bagong mababasa sa isang website.

Ngunit hindi naman ako bahagi ng website, pwede ba akong magsulat dito? hindi! Kaya nga dito napunta ang sinulat ko at hindi sa loob ng minimintini kong website. So ano nga talaga? bakit nga ba ako naghihirap magsulat? Ang tunay sigurong dahilan ay gusto kong i-challenge ang sarili ko. Nais kong tangkain na pangibabawan ang aking kahinaang ito.

Marami na rin akong nabasang blog dito sa internet na para lang mga diary entries o personal account lang sa kung anu-anong bagay o pangyayari. May mga blog din naman na seryoso at parang featured article ang pagkakasulat. Ito siguro ang nagtulak sa akin na pwede akong magsimula sa pagsusulat ng mga personal account muna hanggang siguro makuha ko na ang kasanayan na makapagsulat ng mga seryosong artikulo. Naniniwala naman ako sa practice makes perfect na kasibihan e. Kung ganoon, bakit nga ba hindi ko subukan? Bakit nga ba hindi?

At presto! Ito na! Sinubukan ko na! Ops, mukhang okay naman kaya lang siguro nga makababasa nito, hindi ko alam kung ano ang value nito sa kanila pero nevertheless nakabuo pa rin ako ng isang sulatin. Medyo napatunayan ko sa sarili ko na kaya ko rin magsulat bagamat siguro hindi ito kagandahan at wala itong masyadong saysay para sa iba.

O sige hanggang dito na muna. Salamat sa mga natiyaga na basahain ito. Sa susunod, tatangkain kong magsulat ng mas maayos at may saysay. Ingat kayo!

Share and Enjoy!

Pinoy Blog Links

Lathala ni gomezlaw | Tuesday, October 21, 2008 | 1 comments »

Ito ang aking proyekto. Ipunin ang pinakamaraming pinoy blogsite na kaya ko. Ito ay isang tuluy-tulog na proyekto. Tuwi akong mag-o-online, pipilitin ko na magdagdagan ang listahan ito. Sa mga mambabasa ko, maaari ninyong bisitahin ang blogsite na ito. Garantisado na lahat ng nakalista dito ay nabisita ko na ko bago ko ilagay sa listahan. Ang paglilista ko ay ayon sa kung ano ang una kong nabuksang blog sa internet.

Share and Enjoy!

Aking Pahayag

Lathala ni gomezlaw | Tuesday, October 21, 2008

Pilipinas: May pag-asa Pa ay isang blog na personal at pag-aari ni Lawrence Gomez. Inaako ng may-ari ang pangunahing resposibilidad sa lahat ng nilalaman ng blog na ito. Ang bawat posisyon o pananaw sa mga isyu’t usapin ay repleksyon lamang ng paniniwala at paninindigan ng may-ari.

Karamihan sa mga nilalaman nitong artikulo ay orihinal na sinulat at inedit ng may-ari. Ang blog na ito ay tatanggap ng mga kontibusyong artikulo mula sa ibang manunulat . Maglalathala din ito ng mga artikulo na orihinal at nauna nang lumabas sa ibang blog, site o pahayagan.

Ang lahat ng manunulat at/o pinagmulan ng mga akda na hindi likha ng may-ari ay bibigyan ng kredito sa pinatutungkulang artikulo. Ang may-ari ng mga larawan, image o video na ginamit sa blog na ito ay titiyaking kikilalanin. Kung meron mang hindi nabigyan ng karampatang pagkilala, ipagbigay alam po nyo agad sa may-ari.

Sinasadya ng may-ari ang paggamit ng Pilipino bilang pangunahing wika sa pagsusulat at paglalathala sa blog na ito. Ang paggamit sa sariling wika ay isa sa paniniwala at itinataguyod ng may-ari. Sinisuportahan din ng may-ari ang paggamit ng iba pang wika mula sa iba’t ibang rehiyon ng Pilipinas.

Ang lahing Pilipino ay ang pangunahing ‘target audience’ ng blog na ito. Sisikapin ng blog na ito na maabot ang mga blogistang Pilipino, nandito man sa Pilipinas o naninirahan/nagtatrabaho sa ibang bansa. Pangunahing tatangkain nitong maabot ang mga kabataan at oFW.

Ang blog na ito ay tumatanggap ng iba’t ibang pamamaraan ng kompensasyon katulad ng “cash advertising’, ‘sponsorship’, ’paid insertions’ at iba pa. Tinitiyak ng may-ari na hindi maiimpluwensyahan ng natanggap na kompensasyon ang kahit anong nilalaman ng blog na ito. Ang lahat ng ads, bayad man o libre, ay bibigyan ng karampatang pagkilala. Pipilitin ng may-ari na tanging ads na naaayon sa paniniwala ng may-ari ang siya lamang lalabas sa blog na ito.

Kung may katanungan o mungkahi, mangyaring sulatan lang ang may-ari sa gomezlaw2008@gmail.com. Maraming salamat po.

Share and Enjoy!

Mga Nilalaman

Lathala ni gomezlaw | Tuesday, October 21, 2008

This page contains our table of contents, showing post permalinks, the date and labels (category names.) There is a short preview of each post when you hover the cursor over the title. Titles are in alphabetical order, but you can click on the date column header to sort in ascending or descending order. Click on a specific label (not the column header) to display only the posts tagged with that label. To go back to the full list, just click Post Title. When this post migrates off the home page visitors can use the menu or sidebar link to see the contents.

************

Hide TOC

************

Share and Enjoy!

Guestbook

Lathala ni gomezlaw | Tuesday, October 21, 2008 | 0 comments »

[ View Guestbook ]
[ Sign Guestbook ]

Get a FREE guestbook here!

Share and Enjoy!

About Us

Lathala ni gomezlaw | Tuesday, October 21, 2008 | 0 comments »

Trial content for about us

Share and Enjoy!

Patak Pinoy

Lathala ni gomezlaw | Tuesday, October 21, 2008

Comment-Banner Exchange

The Comment-Banner Exchange is so simple It's simple as for every 3 comments (1 comment per blog post) you post in my blog, i'll give you one banner (125px X 125px) posted in my blog that will run for one whole week. So if you posted 6 comments, you will be entitled to 2 ad space for one week or 1 ad space that will run for two weeks.

To get your banner space, follow the following steps:

1. Comment on my blogpost (Remember: one or more comments on a particular blogpost will just be consider as one (1) comment. Please use same username for all your comments for my monitoring purposes)

2. After posting your 3rd comment, please notify me thru my email (gomezlaw2008@gmail.com) with the location of your image (http://.........image.jpg) and your target website (http://sample.blogspot.com).

After completing this step, I'll email you the date your ad/banner will start running. You will received another email from me at the start of the run of your banner.

Its simple, right?

Thanks

_______________________________________________

CBX Plus

CBX plus is just extending the concept of my comment-banner exchange. This is how it works:

1. Subscribe to my blog and i'll give you one (1) ad space that will run forone (1) month.

2. Follow my blog and i'll give you one (1) ad space that will run for one (1) month.

3. Link my blog and i'll give you one (1) ad space that will run for one (1) month

4. Comment on 12 of my blogpost and i'll give you one (1) ad spcae that will run for one (1) month.

Please do email me at gomezlaw2008@gmail.com if you will avail of CBX/CBX plus. If you done all or a combination, please include in your email how you want your add to run.
_______________________________________________

Pinas Lang Ang Bayan Ko